درع الوطن

فاع الزهر والطير غنا .. .. .. واتمايست لغصان بالريف

بوجود لي وحد وطنا .. .. .. زايد رفيع الشان لمنيف

من جود فضله مروينا .. .. .. غيث على البلاد هتيف

يسخي بجهده ما يمنا .. .. .. ويذب صعبات المشاريف

عود تحت فيه عطنا .. .. .. لي من حدانا حادي الصيف

سور علينا مذرينا .. .. .. درع الوطن .. والرمح .. والسيف

خيرات من خيره كسنا .. .. .. ما نشتكي من وقتنا حيف

نحيى على سلوى ومنا  .. .. .. ونعيش في غيات وكيف

يوم تثنوا مــا تثنا .. .. .. ومن سايق أيام مساليف

والشعب بوجوده تهنا .. .. .. واتيسرت ناس مضاعيف

يجزاه رب العرش عنا .. .. .. مادام ما في الليد تصريف

من غابر سنين مضنا .. .. .. لا صار من مثله ولاشيف

الشاعر : سيف السعدي