زايد التاريخ

من جعل من يابس الصحراء جنان ؟ .. .. من جعل من شايك البيدا ورود ؟

من بنا فوق الثريا له مكان ؟ .. .. من صنع من حلم دولتنا وجود ؟

من جعلنا أمه ترفض تهان .. .. بعد عصر م التفرق والجمود ؟

من سقانا في الضما كاس الحنان .. .. من روانا من نبع قلب ودود ؟

من رفع في مسمع العالم أذان ؟ .. .. من هتف لجل التوحد والصمود ؟

زايد .. اللي في حماه المجد كان .. .. زايد اللي حقق أحلام الجدود

زايد  التاريخ .. والتاريخ زان .. .. باسم زايد .. والامم كلها شهود

كلنا عز .. وفخر .. وامتنان .. .. نفتخر بانا على عهده جنود

عاش رمز للحضاره والامان .. .. ويعل عيده .. كل عام لنا يعود

الشاعر : علي  الخوار