عز الرجال

أنظم من أبيات القصيد الجميله .. .. أبيات شعر بالمعاني جزيله

واقول يالله ياعليم الخوافي .. .. يا عالم باللي خفته الحصيله

ترعى لنا شيخ حكيم نوده .. .. نسل الكرام اللي تعدا جميله

عم البدو والحضر .. واللي بحوله .. .. واللي يواطن في ذراه وظليله

خلا الديار بحمكته مثل جنه .. .. تلبس قلايد .. من زهور الخميله

زايد عسى الله يحفظه في حياته .. .. وبطول عمره .. مايشوف المليله

قايد حكيم .. وكلنا له فداله .. .. لبيه في كل الامور الثقيله

لبيه .. لي منه طلبنا نلبي .. .. مثل الصدى للصوت يرجع دويله

شيخ زرع بالطيب حب وموده .. .. وأدعي النفوس لزود حبه تجي له

هنيت .. وأثني بالتهاني وأهلي .. .. أرفع كفوفي للسما وأدعي له

وأقول يالله يا عسى يعود عيده .. .. عليه دايم في السنين الطويله

وتقر عين اللي لشوفه تودي .. .. ناس قربه .. ودوم تعني له

هنيت .. ياشيخ العرب يا ذرانا .. .. هنيت يا عز الرجال الصميله

أختم مقالي والعفو من جنابك .. .. يا شيخ واعذر في صوابه وميله

الشاعر : هادف بن معيصم الكتبي