رجل المواقف

تهاني مع تحياتي رضايف .. .. .. وباقه ورد من أحلى الصنايف

نظايم مثل ذغداع النسايم .. .. .. وأحلي من شذى زهر النوايف

نقدامها هديه نرجسيه .. .. .. تزف بها القلوب لكم نظايف

الى قايد مسرتنا المفدى .. .. .. الى زايد الي رجل الوقايف

زعيم مد بيده كل خير .. .. .. على فعله يقولون الوصايف

بنا دولة الامارات وحماها .. .. .. وشيدها على روس الشرايف

تبدل حال عن ذيك الليال .. .. .. وعنا راحت أيام الشظايف

نحمد الله عشنا في نعيم .. .. .. وزاد الخير من كل الصنايف

من الظفره الى العين الجميله .. .. .. كساها زرع وانواع الخرايف

كما عاش المواطن في سرور  .. .. .. وراحة نفس مافيها كلايف

اذا قاد الركب شهم دليل .. .. .. سرى لوباقي الليل النصايف

صويب الراي نظراته بعيده .. .. .. شجاع أقطع من الحد الرهايف

جنوده صف واحد يهتفون .. .. .. ويدرون العهود ويا الحلايف

فداك الروح والدم النصوح .. .. .. يا حامي ذا الوطن عن كل زايف

جمايلكم علينا ضافيلت .. .. .. بلا منه لادين وسلايف

مقر الجود زاكين الجدود .. .. .. لهم بين القبايل والطوايف

شرات الغيث في وقت الربيع .. .. .. سقي الارض المحيله في المصايف

طلبت الله يامن هو مجيب .. .. .. تقبل دعوة الساعي وطايف

عسي يبقى لنا نور البلاد .. .. .. حكم بالحق وأمن كل خايف

عساه يطول به عمر مديد .. .. .. عدد ماهل وبل من كنايف

وصلي الله على من هو شفيع .. .. .. لنا يوم الندايم والحسايف

الشاعر : عوض راشد البسع