سخي النفس

عليت بشراع ومجاديف .. واخر يوم يجيني الدوق

صوب الذي زين التواصيف .. لي له علينا فضل وحقوق

زايد سخي النفس لمنيف .. لي قد غزا ع الخيل والنوق

يفرح لشوف الناس والضيف .. ضافي علينا وانظره فوق

شيخ يعرف الترس والسيف .. سباق زايد هوب مسبوق

خلا الصحاري جنه وريف .. خضرا غدت والمنظر يشوق

محلى سهلها والمشاريف  .. دار جداها الخاطر يتوق

لك بوظبي شوقي مراضيف .. حبك سطى دمي ولعروق

أهلك هلي شف ومعاريف .. فيك الرخا والخير ملحوق

شيخ سخى لك بالمصاريف .. يحظى بحب الله مرموق

راعي سعه زايد وتصريف .. مسماي له هيبه ومنطوق

صيده قوي ما قالوا ضعيف .. له باع بين الناس مطلوق

غنا الطرب زين التواصيف .. له بوخليفه والملا أد نوق

يعل المطر يبطي شتا وصيف .. همال وتزاغيه لبورق

ألقى الغدر في واحه الريف .. تنصح سخى تسوي اطروق

الشاعر : عبدا لله بن ذيبان