سير يا زايد

سير يازايد على نفس الخطا .. .. نهجك الإسلام والدين الحنيف

أنت من قاد السيره وامتطى .. .. صهوة التوحيد والفارس صريف

ما يهمك من تعجل أوبطي .. .. بالعداوه دام لك شعبك حليف

شعبك الوافي على روحه وطا .. .. يوم سمع الصوت لبى له شغيف

ونائبك مكتوم مشهور بالعطا .. .. به خصل الشهم والرجل الشريف

ما توانا ولاوطا درب الخطا .. .. له سجل حافل يشهد نظيف

حبكم في القلب لثنينه سطى .. .. ما لكم في الكون من ند وصيف

رافعين الركب عن أرض الوطا .. .. للقمم والمجد والشان المنيف

أعتلوا والشعب هو سور وغطا .. .. ما يهاب الموت في اليوم المخيف

له تحيه عد ما يدري القطا .. .. أوعدد ما تسقط أوراق الخريف

الشاعر : راشد شرار