سنا الضي

الضي عيا يخلي الليل ف اركانه . من بعد حزنه سكن في محجر عيونه

نهار ما حل عيد نايف شانه . يعيد ذكرى توحد دار مصيونه

برجال شربوا زلال الوقت واحزانه . ماهمهم دون نيل العز ما دونه

كل وعزمه .. ولا يرضي بما هانه  . عوايد قد سمت بالفضل مقرونه

في عهد من هو كتب اسمه وعنوانه . على جبين كساه النور من بونه

للدار خير .. ومعروفه .. مع احسانه .وللدار وجده مع اشواقه .. مع شجونه

من حط كفه على وجه الثري زانه . بالخير وازهي شجره ومالت اغصونه

مد الاماني وعين الشمس ميدانه . بالله عزمه .. وقال الوقت : يا عونه

حقق لدار الكرامه حس وجدانه . واحيى عوايد .. بدت للعين مركونه

لاهان زايد .. زميل المجد واخوانه . حكام دار كساها الخير بمزونه

أطلق سنا الضي .. وادعي الدار منزانه .. يالين باتوا جميع الخلق يطرونه

هذاك يالي جعل للعز فرسانه . وهذاك ياللي بنا للحاضر حصونه

لاهان زايد .. ويعل الخير باوطانه . الشيخ ياللي أماني المجد في عيونه

الشاعر : ناصر يوسف النعيمي